მმართველი პარტიის წევრებმა უკრაინის რესპუბლიკის ცენტრალური საარჩევნო კომისიის წარმომადგენლებთან შეხვედრაზე საქართველოს საარჩევნო კანონმდებლობაზე, ცენტრალური საარჩევნო კომისიის წევრების დანიშვნაზე, მათ კვალიფიციურ მომზადებაზე ისაუბრეს.
საქართველოს პარლამენტის საპროცედურო საკითხთა და წესების კომიტეტის თავმჯდომარემ, ხათუნა გოგორიშვილმა, რეგიონული პოლიტიკის, თვითმმართველობისა და მაღალმთიანი რეგიონების კომიტეტის თავმჯდომარემ, ვახტანგ ბალავაძემ და საგარეო ურთიერთობათა კომიტეტის თავმჯდომარის მოადგილემ, ირაკლი ქავთარაძემ ისაუბრეს საარჩევნო კოდექსში განხორციელებულ ცვლილებებზე, ასევე კომისიების წევრთა მომზადებისა და დანიშვნის თაობაზე.
სტუმრები დაინტერესდნენ ამომრჩეველთა სიების დაზუსტების მეთოდებით, პარტიების დაფინანსების საკითხებით, ზოგადად საარჩევნო პროცესებთან დაკავშირებით.
უკრაინის საარჩევნო კომისიის წარმომადგენელთა შეფასებით, ქართული საარჩევნო სისტემის მოწყობა მათთვის განსაკუთრებულად საინტერესოა, მით უმეტეს ახლა, როდესაც უკრაინა ახალ საარჩევნო კანონზე მუშაობს.
