საქართველოს საგარეო უწყებას მინსკში დაკავებული საქართველოს მოქალაქეების შესახებ შეზღუდული ინფორმაცია აქვს. საგარეო საქმეთა მინისტრის მოაგილის ნინო კალანდაძის თქმით, მათ აქვთ ინფორმაცია, რომ საქართველოს რამდენიმე მოქალაქეს ჩამოართვეს სამგზავრო დოკუმენტები. თუმცა რის საფუძველზე განხორციელდა ეს ამის შესახებ ინფორმაცია საგარეო უწყებას არ გააჩნია.
"ჩვენი საელჩო ჩართულია და მოლაპარაკებას აწარმოებს შესაბამის უწყებებთან აღნიშნულთან დაკავშირებით. თუცმა რა ეტაპზეა ეს საკითხი ჩვენ არ ვიცით იმდენად რამდენადაც არ ვიცით ოფიციალური საფუძველი დაკავების", - განაცხადა კალანდაძემ.
მანვე აღნიშნა, რომ ბოლო პერიოდში მინსკს შედარებით გამკაცრებული აქვს საზღვარზე კონტროლი.
შგახსნებთ, რომ ბელარუსიაში საქართველოს 9 მოქალაქე დააკავეს. როგორც თავად ამბობენ, მათ მინსკის აეროპორტში დაფრენისას პასპორტები ახსნა-განმარტებების გარეშე ჩამოართვეს და საქართველოში დაბრუნება ურჩიეს.
მათ აეროპორტის ტერიტორიის დატოვების უფლება არ აქვთ. ისინი უკვე ერთი კვირაა მინსკის აეროპორტში გაუსაძლის პირობებში იმყოფებიან. ამ ფაქტთან დაკავშირებით საქმის კურსშია საქართველოს საელჩო, როგორც დიპლომატიურ მისიაში აცხადებენ ეს პრობლემა უახლოეს დღეებში მოგვარდება.
