საქართველოს საგარეო საქმეთა მინისტრი გრიგოლ ვავშაძე 26-27 ოქტომბერს აზერბაიჯანს ესტუმრება. საქართველოს საგარეო საქმეთა მინისტრის მაოგდილის, ნინო კალანდაძის თქმით, ვაშაძე შეხვედრებს ვიზიტის ფარგლებში გამართავს როგორც აზერბაიჯანის პრეზიდენტთან, ასევე პრემიერთან, საგარეო საქმეთა მინისტრთან და ტრასნპორტის მინისტრთან.
კალანდაძის თქმით, შეხვედრებზე განხილული იქნება ორმხრივი თანამშრომლობის აქტუალური საკითხები და ასევე ეკონომიკური, სატრანსპორტო და ენერგეტიულ სფეროებში მიმდინარე საკითხები.
"აზერბაიჯანთან ურთიერთობას ძალიან დიდ ყურადღებას ვუთმობთ. იმედი გვაქვს, რომ ეს ვიზიტიც სხვა ვიზიტების მსგავსად წარმატებით ჩაივლის და ეს ვიზიტი შესაძლებლობას იძლევა, რომ მაღალი რანგის შეხვედრების ფარგლებში განხილული იყოს ორ ქვეყანას შორის არსებული საკითხები. გახშირებული ვიზიტები ცხადყოფს, რომ ჩვენ ძალიან ინტენსიური, სტრატეგიული პარტნიორობა გვაკავშირებს ერთმანეთთან", - განაცხადა კალანდაძემ და დასძინა, რომ სწორედ ასეთი ხშირი ვიზიტები იძლევა შესაძლებლობას ყველა მიმდინარე საკითხის ოპერატიულად განსახილველად.