27 ოქტომბერს საქართველოს ნატოს გენერალური მდივნის სპეციალური წარმომადგენელი კავკასიასა და ცენტრალურ აზიაში ჯეიმს აპატურაი ეწვევა
საგარეო საქმეთა მინისტრის მოადგილის, ნინო კალანდაძის განცხადებით, ეს იქნება აპატურაის მეორე ვიზიტი საქართველოში, რაც ადასტურებს პოლიტიკურ მხარდაჭერას საქართველოს მიმართ.
"გაიმართება მაღალი რანგის შეხვედრები. ეს ვიზიტი იძლევა შესაძლებლობას რომ ამ შეხვედრების ფარგლებში განხილულ იქნას ყველა მიმდინარე საკითხი, რომელიც საქართველოს ალიანსში გაწევრიანების გზაზე გააჩნია და ასევე ორმხრივ დიალოგში განიხილება ყველა ის საკითხი, რომელიც ჩვენ დღის წესრიგში გვიდგას", - განაცხადა კალანდაძემ.
მინისტრის მოადგილის თქმით, აპატურაი შეხვედრებს გამართავს საქართველოს პრემიერ-მინისტრ ნიკა გილაურთან, ვიცე-პრემიერ გიორგი ბარამიძესთან, უშიშროების საბჭოს მდივან გიგა ბოკერაისთან და საგარეო საქმეთა სამინისტროში.