საქართველოს საგარეო საქმეთა სამინისტრო მწუხარებს გამოთქვამს თურქეთში მომხდარი შემზარავი მიწისძვრის გამო.
მინისტრის მოადგილის ნინოკალანდაძის თქმით, სს სამინისტრომ მიიღო გადაწყვეტილება მზადყოფნაში ჰყავდეს სამაშველო ჯგუფები და თურქული მხარის მომართვის შემთხვევაში თურქეთში მიმდინარე სამაშველო სამუშაოებში ჩაერთოს.
"ჩვენ მივმართეთ თურქულ მხარეს და აღვუთქვით დახმარება, თუმცა მათი თქმით ამ დროისთვის არ არის საჭიროება იმისა, რომ საქართველოდან გაიგზავნოს სამაშველო ჯგუფები. საჭიროების შემთხევვაში თურქეთში საქართველოს წარმომადგენლობა დაუყონებლივ გვაცნობებს ინფორმაციას ამის შესახებ", - განაცხადა კალანდაძემ.
შეგახსენებთ, რომ 23 ოქტომბერს თურქეთში 7-ბალიანმა მიწისძვრამ ათობით შენობა დაანგრია. გავრცელებული ინფორმაციით დაღუპულია 217 მცხოვრები. ნაგრვებეში კი დაახლოებით 600 ადამიანია მოყოლილი.
