ირანის სამხრეთ აღმოსავლეთში მომხდარი ტერორისტული აქტის მსხვერპლთა რაოდენობა 49 ადამიანამდე გაიზარდა.
ტერორისტული აქტი ქალაქ სარბაზის საკონფერენციო დარბაზის შესასვლელში მოხდა, სადაც თვითმკვლელმა ტერორისტმა მოქმედებაში მოიყვანა ასაფეთქებელი მოწყობილობა იმ ავტომანქანასთან, რომელშიც ირანის რევოლუციის დამცველთა კორპუსის სახმელეთო ძალების მეთაურის მოადგილე იჯდა.
სამხედრო მაღალჩინოსანი დაიღუპა. ტერაქტის მსხვერპლი გახდნენ რიგითი ადამიანები და უხუცესთა წარმომადგენლები. სხვადასხვა სახის დაზიანება მიიღო ათობით ადამიანმა.
ადგილობრივი მედიის ინფორმაციით, პასუხისმგებლობა ტერაქტზე სუნიტების ერთ-ერთმა დაჯგუფებამ აიღო, რომლის წევრები ამჟამად პაკისტანის ტერიტორიაზე იმყოფებიან.
