დღეს მიხეილ სააკაშვილი ვარშავის სამიტზე ევროკავშირის წევრი ქვეყნების ლიდერებს მიმართავს. აღმოსავლეთის პარტნიორობის სამიტი, სადაც 27 წევრი ქვეყანა და აღმოსავლეთის პარტნიორობის 6 ქვეყანა მონაწილეობს ერთობლივი კომუნიკეს მიღებით დასრულდება.
აღმოსავლეთის პარტნიორობის სამიტის პლენარული სესია ერთ საათში იწყება.
აღმოსავლეთის პარტნიორობის სამიტი არის განსაკუთრებით მნიშვნელოვანი, რადგან სწორედ ამ სამიტის შემდეგ უნდა დაისახოს კონკრეტული გეგმა იმის შესახებ, თუ როგორ გააგრძელებს ევროკავშირი მუშაობას მომავალი რამდენიმე წლის განმავლობაში როგორც საქართველოსთან ასევე აღმოსავლეთის პარტნიორობის კიდევ ხუთ ქვეყანასთან ურთიერთობას.
მიხეილ სააკაშვილის შეხვედრების განრიგი დღეს ძალიან დატვირთულია. პრეზიდენტი მოლაპარაკებებს ევროპელ ლიდერებთან დღესაც გააგრძელებს. გუშინ მიხეილ სააკაშვილი დღის ბოლოს ესტონეთისა და ბულგარეთის პრემიერებს შეხვდა.
