ქართული მხარე აფხაზეთის ე.წ. არჩევნებზე მთიანი ყარაბაღის დელეგაციის ყოფნას ერევანის ოფიციალურ პოზიციად არ განიხილავს.
"ერევანის პოზიცია ჩვენთვის ცნობილია. სომხეთი მხარს უჭერს საქართველოს ტერიტორიულ მთლიანობასა და სუვერენიტეტს და არ აღიარებს აფხაზეთში ჩატარებულ ე.წ. არჩევნებს. ასე რომ, ამ თემის რაიმე ეჭვქვეშ დაყენების საფუძველი არ გვაქვს", - განაცხადა საქართველოს საგარეო საქმეთა მინისტრის მოადგილე ნინო კალანდაძემ დღეს გამართულ ტრადიციულ პრესკონფერენციაზე.
შეგახსენებთ, რომ აფხაზეთში ჩატარებულ ე.წ. საპრეზიდენტო არჩევნებს "დამკვირვებლის" სტატუსით მთიანი ყარაბაღის დელეგაციაც ესწრებოდა.
