დღეს, 21 დეკემბერს, შოთა რუსთაველის სახელობის სახელმწიფო დრამატულ თეატრში კინომსახიობ ოთარ კობერიძის 85 წლის იუბილესადმი მიძღვნილი საღამო გაიმართება, რომლის ორგანიზატორია კულტურის, ძეგლთა დაცვისა და სპორტის სამინისტრო.
საიუბილეო საღამოზე წარმოდგენილი იქნება ფრაგმენტები ფილმებიდან ოთარ კობერიძის მონაწილეობით.
საღამოში მონაწილეობას მიიღებენ ქართული თეატრისა და კინოს ვარსკვლავები. მუსიკალურ ნომრებს შეასრულებს ეროვნული სიმფონიური ორკესტრი ნიკა მემანიშვილის დირიჟორობით.
