ირანის სამხრთ-დასავლეთ ნაწილში ნავთობსადენი აფეთქდა, რომლითაც ნავთობის ტრანსპორტირება ქალაქ ახვაზ-ში ხდებოდა. ინფორმაციას ამის შესახებ ადგილობრივი მედია ავრცელებს.
აფეთქების შედეგად ნავთობი აალდა და მისი მიწოდება დროებით შეწყდა. ინციდენტის შედეგად არავინ დაღუპულა. აფეთქების მიზეზი ამჟამად დგინდება. მეხანძრეები ხანძრის ჩაქრობას ამ საღამოსათვის ვარაუდობენ.
აღნიშნული ნავღობსადენი 30 წლის წინ აშენდა. აფეთქების შედეგად ახლომდებარე მდინარეში 10 დან 15 მდე ათასი ბარელი ნავთობი ჩაიღვარა, რაც რეგიონის ეკოლოგიისათვის ზიანის მომტანი იქნება.
მასალის გამოყენების პირობები
