ტომ ჰენკსის განცხადებით, სტუდია Pixar-ი მულტფილმ "სათამაშოების ისტორიის" მეოთხე სერიას გადაიღებს, - იუწყება საიტი Gigwise. პროგრამა BBC Breakfast-ის გამოსვლისას ტომ ჰენკსმა შეკითხაზე, თუ რა ხდება "სათამაშოების ისტორია 4"-თნ დაკავშირებით, განაცხადა, რომ ამჟამად მიმდინარეობს ფილმზე მუშაობა.
ტომ ჰენკსმა წინა სამი სერიის მთავარი გმირი სათამაშო კოვბოი - ვუდი გაახმოვანა. პირველი ფირი გაქირავებაში 1995 წელს (2009 წელს განმეორებით 3D-ფორმატით) გამოვიდა. მომდევნო სერია 1999 წელს, ხოლო მესამე სერია 2010 წელს. სამივე ფილმი გულთბილად მიიღეს მაყურებელმა და კრიტიკოსებმა. იგი ძალზე წარმატებული აღმოჩნდა გაქირავებაში. მხოლოდ მესამე ნაწილის გაქირავებით მიღებულმა შემოსავალმა მილიარდი დოლარი შეადგინა.
"სათამაშოების ისტორია3" "ოსკარის " 5 ნომინაციაზე იყო წარდგენილი. საბოლოოდ კი ამერიკული კინოაკადემიის ჯილდო 2 ნომინაციაში მიიღო ("საუკეთესო სრულმეტრაჟიანი ანიმაციური ფილმი" და "საუკეთესო სიმღერა"). ვარაუდობდნენ, რომ გაგრძელება ამ ფილმს არ მოჰყვებოდა.
