"სახალხო კრებას" "რესპუბლიკური პარტიის" ზუგდიდის ორგანიზაციის წევრები შეუერთდნენ.
„რესპუბლიკური პარტიის" დატოვების შესახებ განცხადება ნიკო რაფავამ, ელგუჯა ქირიამ, ილია გაბელაიამ და გიორგი შეროზიამ დღეს გამართულ პრესკონფერენციაზე გააკეთეს.
მათი განცხადებით, „რესპუბლიკელთა" რიგების დატოვების მიზეზი ხელისუფლების შეცვლის გზებთან დაკავშირებით პარტიის ლიდერებისგან განსხვავებული პოზიცია გახდა.
„რესპუბლიკური პარტიის" ხელმძღვანელობას მიაჩნია, რომ ხელისუფლება მხოლოდ არჩევნების გზით უნდა შეიცვალოს და ამ პროცესს ანიჭებს უპირატესობას, ჩვენი აზრით კი, ეს რესურსი ამოწურულია და მიხეილ სააკაშვილის შეცვლის ერთადერთი გზა მათი ძალით გადაყენებაა", - განაცხადეს უკვე ყოფილმა „რესპუბლიკელებმა".
შეგახსენებთ, რომ რამდენიმე დღის წინ „სახალხო კრებას" კიდევ რამდენიმე პარტიის რაიონული ორგანიზაციები შეუერთდა.
