სასტუმრო "რადისონში" დემოკრატიათა თანამეგობრობის საპარლამენტო ფორუმი მიმდინარეობს, რომლის თემაა "დემოკრატიზაცია ევროპასა და ევროპის სამეზობლოში".
კონფერენცია გახსნა საპარლამენტო ფორუმის პრეზიდენტმა ემანუელ ზინგერესემა. მისასალმებელი სიტყვით გამოვიდა საქართველოს პარლამენტის თავმჯდომარე დავით ბაქრაძე. პარლამენტის თავმჯდომარემ ისაუბრა "ვარდების რევოლუციის" როლზე დემოკრატიზაციის პროცესში და აღნიშნა, რომვარდების რევოლუცია იყო მნიშვნელოვანი ინდიკატორი იმისა რომ არ არსებობს ჩაკეტილი სივრცე დემოკრატიული ღირებულებებისთვის.
დღევანდელი სამუშაო დღის განმავლობაში დაგეგმილია 3 სესია. დღევანდელ სესიაზე გამოვა სიტყვით ევროპარლამენტის პრეზიდენტი იაჟეკ ბუზეკი.
ფორუმის ფარგლებში იგეგმება ლარისა ბურაკოვას წიგნის "როგორ გამოუვიდა საქართველოს" პრეზენტაცია, სადაც ავტორი საქართველოში მიმდინარე რეფორმებს აღწერს.
დემოკრატიათა თანამეგობრობის საპარალამენტო ფორუმი პირველად 2010 წელს ჩატარდა.
დემოკრატიათა თანამეგობრობას საფუძველი ჩაეყარა 2000 წელს ვარშავაში პოლონეთის საგარეო საქმეთა მინისტრის, პროფესორ ბრონისლავ გერემეკისა და აშშ-ის სახელმწიფო მდივნის, დოქტორ მედლინ ოლბრაიტის თაოსნობით.
მსოფლიოს 106 ქვეყანამ მოაწერა ხელი დასკვნით დეკლარაციას დემოკრატიათა თანამეგობრობისაკენ, რომელშიც ჩამოთვლილი იყო დემოკრატიული ფასეულობები.
