ყველა დროის ერთ-ერთი საუკეთესო ფეხბურთელი დიეგო მარადონა არაბეთის გაერთიანებული საემიროების კლუბ "ალ-ვასლს" გაწვრთნის. როგორც BBC იუწყება, მარადონა კლუბთან უახლოეს დღეებში 2-წლიან ხელშეკრულებას გააფორმებს. არგენტინელი სპეციალისტი გუნდს მომავალი სეზონიდან გაწვრთნის.
მარადონა 2010 წელს სამხრეთ აფრიკაში გამართულ მსოფლიო ჩემპიონატზე არგენტინის ნაკრების მთავარი მწვრთნელი იყო. არგენტინა მეოთხდეფინალიდან გერმანიასთან 0:4 დამარცხების შემდეგ გავარდა. ამის შემდეგ, არგენტინის ფეხბურთის ფედერაციის ხელმძღვანელობამ მარადონას კონტრაქტის გახანგრძლივება შესთავაზა, თუმცა მარადონამ უარი განაცხადა.
