„დემოკრატიულმა მოძრაობამ" საქართველოში აკრედიტირებული დიპლომატიური კორპუსის წარმომადგენლებს ქალაქ რუსთავში პოლიციის მიერ „სახალხო კრების" ახალგაზრდული მოძრაობისა და მოძრაობა „არას" ორგანიზებული მშვიდობიანი აქციის მონაწილეების მიმართ პროვოკაციის მოწყობის, დარბევისა და უკანონო დაკავების ფაქტის ამსახველი სრული ვიდეოჩანაწერი მიაწოდა.
როგორც "ჯი-ეიჩ-ენს" „დემოკრატიულმა მოძრაობის" პრე-სამსახურიდან აცნობეს, „დემოკრატიულმა მოძრაობამ" საერთაშორისო თანამეგობრობას მიმართა, რათა მათ აქტიური მონიტორინგი აწარმოონ ხელისუფლების მიერ განხორციელებულ მსგავს დანაშაულებრივ ქმედებებზე, რომლებიც მშვიდობიანი მოსახლეობის წინააღმდეგ არის მიმართული.
მიმართვაში აღნიშნულია: „დემოკრატიული მოძრაობა", როგორც „სახალხო კრების" ნაწილი ვაცხადებთ, რომ დღეს მიხეილ სააკაშვილის რეჟიმმა ახალგაზრდების წინააღმდეგ მისთვის ჩვეული მეთოდით პროვოკაცია მოაწყო, რაც ნათლად ჩანს მომხდარი ფაქტის ამსახველ ვიდეომასალაში; ჩვენ სწორედ ამგვარ მეთოდებს ვებრძვით, ჩვენ ვგმობთ ყოველგვარ ძალადობას და სრული პასუხისმგებლობით ვაცხადებთ, რომ „სახალხო კრების" ახალგაზრდები არასოდეს მოიქცევიან ისე, როგორც დღევანდელი ხელისუფლების წარმომადგენლები იქცევიან, ისინი არასოდეს აღმართავენ ხელს ქალის წინააღმდეგ.
მივმართავთ შინაგან საქმეთა სამინისტროს სასწრაფოდ, დაუყოვნებლივ გაამჟღავნონ იმ მამაკაცი ვინაობა, რომელმაც პოლიციის თანამშრომელ ქალს ფიზიკური შეურაცხყოფა მიაყენა.
მოვითხოვთ უდანაშაულო ახალგაზრდების დაუყოვნებლივ განთავისუფლებას.
აგონიაში მყოფმა ხელისუფლებამ უნდა იცოდეს, რომ ჩვენ არ წამოვეგებით მათ პროვოკაციებს და არ შევცვლით თანმიმდევრულ გეგმას, 21 მაისს თავისუფლების მოედანზე სააკაშვილის რეჟიმის დემონტაჟის მიზნით საერთო სახალხო გამოსვლები აუცილებლად დაიწყება.
ხალხი გაიმარჯვებს!