"ქრისტიან-დემოკრატები" ხელისუფლებასა და ოპოზიციას შორის საარჩევნო გარემოს გაუმჯობესებისთვის ინდივიდუალურ შეხვედრებში აზრს ვერ ხედავენ.
"ქრისტიან-დემოკრატების" წევრის, პარლამენტის ვიცე-სპიკერის ლევან ვეფხვაძის შეფასებით, "ნაციონალურ მოძრაობასთან" ცალკეული პარტიები რომ შეთანხმდნენ, ეს საარჩევნო კოდექსზე მუშაობას არაფერის არ მოუტანს, რადგან მას საერთაშორისო აღიარება არ ექნება.
"ხელისუფლებას არ მოსწონს რვიანის ფორმატი, რადგან ოპოზიციის ერთიანობა ყველა საერთაშორისო ორგანიზაციის მიერ დადებითად შეფასდა. ახლა ცდილობენ ახალი ველოსიპედი გამოიგონონ. ამიტომ ხელისუფლებას, პირველ რიგში, ცესკოს შეხვედრების რეჟიმისა და რვიანის ფორმატში მოლაპარაკებების აღდგენაზე უნდა ვესაუბროთ", - აღნიშნა ვეფხვაძემ.
"ქრისტიან-დემოკრატების" წევრმა მმართველი გუნდის წევრის პავლე კუბლაშვილსა და "მემარჯვენე" მამუკა კაციტაძეს შორის საარჩევნო გარემოსთან დაკავშირებით გამართული შეხვედრა დადასტურა, თუმცა დეტალებზე საუბრისგან თავი შეიკავა.