ოპოზიციონერი დეპუტატი ჯონდი ბაღათურია ხელისუფლებას კვალავ კორუმპირებული ჩინოვნიკების ხელშეწყობაში ადანაშაულებს.
როგორც დღეს, პლენარულ სხდომაზე "ქობულეთისა და ანაკლიის თავისუფალი ტურისტული ზონების განვითარების ხელშეწყობის შესახებ" კანონში ცვლილებების განხილვის დროს ბარათურიამ განაცხადა, მიუღებელია მთავრობის დადგენილებით მოხდეს თავისუფალი ტურისტული ზონების დადგენა, რადგან ეს ხელს შეუწყობს კორუფციულ გარიგებებს.
ამასთან, ბაღათურიას შეფასებით, გაცილებით სამართლიანი იქნებოდა რეგიონებში არა რამდენიმე კვადრატულის თავისუფალ ტურისტულ ზონად გამოცხადება, არამედ მთლიანი რეგიონის.
"რა დააშავეს თუნდაც ქობულეთში მცხოვრებმა პირებმა, რომლებიც თავისუფალ ტურისტული ზონაში ვერ მოხვდნენ? ამ ადამიანებმა უნდა გადაიხადონ გადასახადები, როდესაც მათ მეზობლად სასტუმროს პატრონი შეღავათებით ისარგებლებს", - აღნიშნა ბაღათურიამ და თავისუფალი ტურისტული ზონების შესახებ კანონპროექტი "ნეპოტისტურ და კორუფციულ გარიგებების" წყაროს შეაფასა.
შეგახსენებთ, რომ "ქობულეთისა და ანაკლიის თავისუფალი ტურისტული ზონების განვითარების ხელშეწყობის შესახებ" კანონს სახელი შეეცვლება და მას "თავისუფალი ტურისტული ზონების განვითარების ხელშეწყობის შესახებ" დაერქმევა.
გარდა ამის, კანონპროექტის თანახმად თავისუფალ ტურისტულ ზონებში მიწის ნაკვეთების გადაცემაზე შეზღუდვები უქმდება.
კანონში ცვლილებებს პარლამენტი დღეს დაჩქარებული წესით მეორე-მესამე მოსმენით დაამტკიცებს.
