საქართველოს საპარლამენტო დელეგაცია პორტუგალიაში სამუშაო ვიზიტით იმყოფება. დელეგაციას პარლამენტის თავმჯდომარის მოადგილე გიორგი წერეთელი ხელმძღვანელობს.
ვიზიტის მიზანს წარმოადგენს პორტუგალიაში ნარკოპოლიტიკის სფეროში გატარებული რეფორმების გაცნობა, არსებული გამოცდილების გაზიარება.
საქართველოს დელეგაცია გამართავს შეხვედრებს პორტუგალიის პარლამენტში, ასევე ნარკოპოლიტიკის რეფორმის ავტორებთან, სამართალდამცავი სისტემის წარმომადგენლებთან, არასამთავრობო სექტორთან.
დელეგაციის შემადგენლობაში, ჯანდაცვისა და იურიდიული კომიტეტის წევრებთან ერთად, იმყოფებიან საქართველოს პროკურატურის წარმომადგენლები.
