რეინტეგრაციის საკითხებში საქართველოს სახელმწიფო მინისტრი ეკა ტყეშელაშვილი ოფიციალური ვიზიტით აშშ-ში იმყოფება.
ვიზიტის ფარგლებში ის შეხვედრებს სახელმწიფო დეპარტამენტში, სენატსა და კონგრესში გამართავს.
ტყეშელაშვილი უკვე შეხვდა "ფრიდომ ჰაუსის" ხელმძღვანელს, რამდენიმე კონგრესმენს, დღეს კი კონგრესის საგარეო ურთიერთობათა კომიტეტის ხელმძღვანელთან გამართავს შეხვედრას.
შეხვედრებზე საქართველოს სახელმწიფო მინისტრი რუსეთის მიერ ჩვენი ქვეყნის ოკუპაციის თემას განიხილავს. ასევე საუბარი შეეხება რეზოლუციას, რომელიც შეერთებული შტატების საკანონმდებლო ორგანომ რუსეთის მიერ საქართველოს ტერიტორიების ოკუპაციის შესახებ უნდა მიიღოს.