ოპოზიციონერი დეპუტატი დიმიტრი ლორთქიფანიძე პარლამენტის თავმჯდომარე დავით ბაქრაძეს მსჯავრდებულ ზვიად სტეფნაძის საკითხთან დაკავშირებით შუამდგომლობას სთხოვს.
"სასჯელაღსრულების, პრობაციისა და იურიდიულ დახმარების საკითხთა და ჯანდაცვის სამინისტროების მესვეურთა დანაშაულებრივი გულგრილობის შედეგად, კვლავ არ მუშაობს უწყებათაშორისო მუდმივმოქმედი სამედიცინო კომისია, არადა საპატიმროების სამკურნალო დაწესებულების სარეცელზე მიჯაჭვული ათეულობით მსჯავრდებული ელოდება მათ გადაწყვეტილებას", - აღნიშნა ლორთქიფანიძემ დღევანდელ პლენარულ სხდომაზე.
დეპუტატმა მაგალითად მსჯვრდებული ზვიად სტეფნაძის საქმე მოიყვანა, რომელსაც ცეროზი აქვს და მის გადარჩენის ერთადერთ გზას ღვიძლის ინპლატანცია წარმოადგენს.
"ოჯახის მიერ მობილიზებულია რესურსები, რომ მას თურქეთში ქალაქ იზმირში შესაბამისი ოპერაცია ჩაუტარდეს, რაზედაც თანხმობაც არის მოსული, თუმცა სასჯელაღსრულებისა და ჯანდაცვის სამინისტროები ხმას არ იღებენ ამის შესახებ და მისი განცხადება ამ დრომდე არ განუხილავს მუდმივმოქმედ კომისიას", - დასძინა მან.
ლორთქიფანიძის თქმით, იმ შემთხვევაში თუ მსჯავრდებულს ოპერაციის გაკეთების უფლებას არ მისცემენ, რამდენიმე დღეში შეიძლება გარდაიცვალოს.