ლიტვის პრეზიდენტი დალია გრიბაუსკაიტე თბილისში ჩამოვიდა. ლიტვის პირველ პირს თბილისის საერთაშორისო აეროპორტში საქართველოს საგარეო საქმეთა მინისტრი გრიგოლ ვაშაძე დახვდა.
საქართველოში პირველი ოფიციალური, ორდღიანი ვიზიტის ფარგლებში დალია გრიბაუსკაიტე უმაღლესი რანგის შეხვედრებს გამართავს. დაახლოებით ერთ საათში მას პრეზიდენტი სააკაშვილი მიიღებს, მოგვიანებით კი, ორივე ქვეყნის პირველი პირები გმირთა მოედანზე მივლენ და ერთიანობისთვის დაღუპულ გმირთა მემორიალს გვირგვინით შეამკობენ.
ლიტვის პრეზიდენტი სამშობლოში ხვალ დილით გაემგზავრება.