დღეს იწყება ლიტვის პრეზიდენტის ოფიციალური ვიზიტი, რომელიც ორ დღეს გასტანს. პრეზიდენტის შეფასებით, ამ ვიზიტით გრძელდება ის ტრადიციული ურთიერთობა, რომელიც ორ მეგობარ სახელმწიფოს შორის არსებობს.
"ჩვენ კარგად გვახსოვს ის მხარდაჭერა, რომელიც ლიტვამ საქართველოსთვის მძიმე პერიოდში ჩვენი მისამართით გამოხატა. ჩვენთვის დიდი პატივია, რომ დღეს თბილისი ლიტვის პრეზიდენტს მასპინძლობს. პრეზიდენტი სააკაშვილი და პრეზიდენტი გრიბაუსკაიტე განიხილავენ ორმხრივი თანამშრომლობის მთელ სპექტრს, მათ შორის პოლიტიკურ, ეკონომიკურ, სავაჭრო და რეიგონის სტაბილურობის საკითხებს", - განაცხადა დღევანდელ ბრიფინგზე მანანა მანჯგალაძემ.
კვირის ბოლოს თბილისს ლატვიის საგარეო საქმეთა მინისტრი გირცვალდის კრისტოვსკისი ეწვევა და ამავე თვეში ჩამოვა საქართველოში ჩეხეთის საგარეო საქმეთა მინისტრი კარლ შვარცერბერგი.
პრეზიდენტის პრესსპიკერის, მანანა მანჯგალაძის თქმით, ჩეხეთისა და ლატვის სს მინისტრები შეხვედრას პრეზიდენტთანაც გამართავენ.
