ამერიკის შეერთებული შტატები საქართველოს ოკუპირებულ ტერიტორიებზე რუსი მაღალჩინოსნების ვიზიტებს გმობს.
ამის შესახებ ოფიციალური განცხადება აშშ-ს სახელმწიფო დეპარტამენტმა გავრცელა.
განცხადებაში ნათქვამია, რომ ოკუპირებულ აფხაზეთსა და ცხინვალის რეგიონში ვიზიტების გამართვით რუსეთის ოფიციალური პირები საქართველოს ტერიტორიულ მთლიანობას პატივს არ სცემენ.
აქვე ხაზგასმით აღნიშნულია, რომ ამერიკის შეერთებული შტატები საქართველოს სუვერენიტეტისა და ტერიტორიული მთლიანობის აღდგენის საკითხთან მიმართებაში თავის პოზიციის ერთგული რჩება და კონფლიქტის მშვიდობიანი ფორმით დარეგულირებას უჭერს მხარს.
ამასთან, აშშ-ს სახელმწიფო დეპარტამენტი რუსეთის ფედერაციას კიდევ ერთხელ მოუწოდებს პატივი სცეს 2008 წლის 12 აგვისტოს აღებულ ვალდებულებს და შეასრულოს ისინი.
შეგახსენებთ, რომ რამდენიმე დღის წინ რუსეთის ფედერაციის საგარეო საქმეთა მინისტრი სერგეი ლავროვი საქართველოს ოკუპირებულ ტერიტორიებზე ოფიციალური ვიზიტით იმყოფებოდა.
რუსი მაღალჩინოსანის ვიზიტის აფხაზეთისა და ცხინვალის ოკუპირებულ რეგიონში ევროკავშირმაც დაგმო.
