ჩრდილოკავკასიელებს შთაბეჭდილება არ უნდა შეექმნათ, თითქოს საქართველოში მათი რიგებიდან რომელიმეს განსაკუთრებულად გამოარჩევენ. ამის შესახებ ეროვნული უშიშროების საბჭოს ანალიტიკური დეპარტამენტის დირექტორმა ლაშა დარსალიამ პარლამენტის დიასპორისა და კავკასიის საკითხთა კომიტეტის სხდომაზე განაცხადა.
მისი თქმით, საქართველოს კავკასიელ ხალხებთან ჰუმანიტარულ, სოციალურ და კულტურულ სფეროებში დიალოგის განვითარების სურვილი ამოძრავებს და ბალანსი ყველა ჩრდილოეთ კავკასიელ ხალხთან ურთიერთობაში უნდა იყოს დაცული.
დარსალიას თქმით, საქართველოს მხრიდან ჩერქეზთა გენოციდის საკითხზე ყურადღების გამახვილება არ უნდა აღიქმებოდეს და არ უნდა ქმნიდეს ისეთ განწყობას, თითქოს საქართველოში მხოლოდ ჩერქეზთა საკითხი აინტერესებთ და არა მთლიანად რეგიონის.
