ვიცე-პრემიერ გიორგი ბარამიძესთან შეკრებილმა ნატოს საკითხებზე მომუშავე საზოგადოებრივ მრჩეველთა საბჭოს წევრებმა წლიური ეროვნული პროგრამით გათვალისწინებული რეფორმების მიმდინარეობასა და ნატო-საქართველოს კომისიის მუშაობაზე იმსჯელეს.
შეხვედრის მონაწილეებმა "ენ-დი-აის" ბოლო კვლევის შედეგებიც განიხილეს, რომლის მიხედვითაც, საქართველოს ნატოში გაწევრიანების მომხრეთა რაოდენობა მნიშვნელოვნად არის გაზრდილი.
საზოგადოებრივ მრჩეველთა საბჭოსთან შეხვედრებს გიორგი ბარამიძე რეგულარულად მართავს. საბჭო მინისტრის ინიციატივით 2005 წელს შეიქმნა და არასამთავრობო ორგანიზაციებს, აკადემიურ წრეებისა და მედიის წარმომადგენლებს აერთიანებს.