პრეზიდენტ მიხეილ სააკაშვილის მტკიცებით, მხოლოდ მებოსტნეობით საქართველოში წელს ნახევარი მილიარდი ლარი შემოვა.
"მებოსტრნეობით საქართველოში წელს შემოვა ნახევარი მილიარდი ლარი. დაახლოებით იმავე რაოდენობის შემოსავალი შემოვა ხეხილიდან, ანუ ორივე კულტურიდან ერთად მივიღებთ მილიონ ლარს. ამას დაემატება ხორბალი, ვენახები და სხვა კულტურა", - განაცხადა სააკაშვილმა სოფელ ჭიკაანში სტუმრობისას, სადაც ქვეყნის პირველი პირი ერთ-ერთ ფერმერს, ზვიად მანძულაშვილს ესტუმრა, მის მიერ დათესილი ამერიკული ხორბალი დაათვალიერა და ნათესების მდგომარეობა შეაფასა.
მისი ვარაუდით, ხორბალის გასაყიდი ფასი მინიმუმ 80 თეთრი იქნება, 1 ჰა მიწის ნაკვეთზე კი გლეხები 16 ათასი ტონა ხორბალს მიიღებენ.
პრეზიდენტთან ერთად სოფელ ჭიკაანში სოფლის მეურნეობის მინისტრი ბაკურ კვეზერელიც იმყოფებოდა. მისი განცხადებით, გლეხებისთვის მთავრობა დამატებით 150 ერთეული ტრაქტორის შეძენას გეგმავს.
