ქვეყანაში კრიზისული ვითარების შეფასების სტანდარტების მხოლოდ ნაწილი იქნება ხელმისაწვდომი, რათა დაინტერესებულმა პირებმა არ შეძლონ სისტემის მუშაობის შეფერხება. ამის შესახებ ეროვნული უშიშროების საბჭოს თავდაცვისა და უშიშროების პოლიტიკის დეპარტამენტის დირექტორმა გიორგი ღიბრაძემ განაცხადა.
მისი თქმით, შემუშავებულია სტანდარტები, რომლის მიხედვითაც, ჯანმრთელობის ზიანის მიყენება შეიძლება განისაზღვროს კრიზისულ სიტუაციად და მოხდეს მისი უმაღლეს პოლიტიკურ დონეზე დაყენება.
ღიბრაძის თქმით, არსებობს აქტები, რომლებიც განსაზღვრავს, რა სახის სიტუაციები შეიძლება შეიქმნას, "ადამიანების ჯგუფმა უნდა შეაფასოს, რა სახის კრიზისთან გვაქვს საქმე, განსაზღვროს მისი მასშტაბები და შემდგომ უკვე მოახდინოს აქტივაცია უმაღლეს პოლიტიკურ დონზე".
