"საქართველოს წინააღმდეგობის მიუხედავად, აშშ-ში მაინც წავალთ და ღირსეულადაც გამოვალთ", - აცხადებს სეპარატისტული აფხაზეთის მხიარულთა და საზრიანთა კლუბის "ნარტი იზ აბხაზიი" დირექტორი ვიანორ ბებია.
მისი თქმით, გუნდი ორკვირიან ტურნეში აშშ-ში მიემგზავრება. აფხაზური მედიის მიერ გავრცელებული ინფორმაციით, გუნდის ფინანურ მხარდაჭერას მიმწვევი - აშშ-ის მხარე და სეპარატისტული აფხაზეთის ე.წ. მთავრობა ახორციელებს.
მათივე ინფორმაციით, აფხაზური გუნდი ნიუ-იორკის თასის გათამაშებაში მონაწილეობის მისაღებად აპრილის ბოლოს დაპატიჟეს.
"ჩვენ ღირსეული პროგრამა მოვამზადეთ და ღირსეულად გამოვალთ კიდეც, როგორც არ უნდა უშლიდეს ამას ხელს საქართველო. ჩვენს პროგრამაში არის გამოსვლები კიდევ რვა ამერიკულ ქალაქში", _ აცხადებს ბებია.
მასალის გამოყენების პირობები
