მალაიზიურ მხარეს დაკავებული ქართველების სამართალწარმოების დეტალების გახმაურება არ სურს.
ამის შესახებ ჟურნალისტებს საქართველოს საგარეო საქმეთა მინისტრის მოადგილე ნინო კალანდაძემ განუცხადა.
"ჩვენი საკონსულო დეპარტამენტი მუდმივ რეჟიმში ცდილობს დაკავებულ ქართველებთან დაკავშირებით ინფორმაცია მოიპოვოს, თუმცა როგორც ჩანს, მალაიზიურ მხარეს არ სურს სამართალწარმოების დეტალების გახმოვანება, თუმცა მას ამის უფლება აქვს", - განაცხადა კალანდაძემ.
შეგახსენებთ, რომ საქართველოს მოქალაქეები ბაბუცა გორდაძე და დარეჯან კოხტაშვილი მალაიზიელმა სამართალდამცველებმა გასული წლის შემოდგომაზე ნარკოტრეფიკის ბრალდებით დააკავეს, რაც ადგილობრივი კანონმდებლობით სიკვდილით ისჯება. საქმეზე გორდაძის პროცესი 15 აპრილს უნდა გამართულიყო, თუმცა იმის გამო, რომ ბრალდებულის ადვოკატმა საქმის მასალების დეტალურად გაცნობისთვის დრო ითხოვა, ის 23 აპრილამდე გადაიდო.
