საფრანგეთის ქალაქ ეკს-ან-პროვანსში მდებარე კაზინოს შეიარაღებილი თავდამსხმელები დაესხნენ და 100 ათასი ევრო გაიტაცეს. ინფორმაციას ამის შესახებ ფრანგული მედია ავრცელებს.
მათივე ინფორმაციით, კაზინოს ექვსი თავდამსხმელი ძარცვავდა.
ისინი "კალაშნიკოვის" ტიპის ავტომატებითა და პისტოლეტებით იყვნენ შეიარაღებულნი.
აღსანიშნავია, რომ თავდამსხმელებმა კაზინო ისე გაძარცვეს, რომ მათ ავტომატური ცეცხლსასროლი იარაღიდან ერთი გასროლაც არ მოუხდენიათ.
კაზინოს გაძარცვის შემდეგ, ისინი ორ ავტომობილში ჩასხდნენ და მარსელისკენ მიმავალი ავტომაგისტრალის მიმართულებით მიიმალნენ.
ფრანგული მედიის ინფორმაციით, მიმდინარე წელს ეს უკვე კაზინოს მეათე ძარცვაა, რომელიც საფრანგეთში მოხდა.
