რუსეთის პრეზიდენტის შუამდგომლობით, მთიანი ყარაბახის პრობლემის მოგვარების მიზნით აზერბაიჯანისა და სომხეთის პრეზდენტების მორიგი შეხვედრა მიმდინარე წლის ზაფხულში გაიმართება. ამის შესახებ ეუთოს მინსკის ჯგუფის თანათავმჯდომარემ რუსეთიდან იგორ პოპოვმა განაცხადა.
გავრცელებული ინფორმაციით, ჯერ კიდევ აპრილის ბოლომდე აზერბაიჯანისა და სომხეთის საგარეო საქმეთა მინისტრების დონეზე შეხვედრა გაიმართება. ამის შემდეგ, დაახლოებით ივნის-ივლისში, ორი ქვეყნის პრეზიდენტების შეხვედრა რუსეთის ფედერაციის ტერიტორიაზე გაიმართება.
რუსული მხარის აზრით, აზერბაიჯანსა და სომხეთს შორის "2+1"-ის ფორმატში გამართული მოლაპარაკებები სასარგებლოა, რის გამოც ისინი კვლავაც უნდა გაგრძელდეს.
მასალის გამოყენების პირობები
