აზერბაიჯანში აშშ-ის ელჩი მეთიუ ბრაიზა აცხადებს, რომ მისი სახელმწიფო მსოფლიოს ნებისმიერ ქვეყანაში რევოლუციის მომხრე არ არის.
მისი თქმით, ოფიციალური ვაშინგტონი ორ ქვეყანას შორის ურთიერთობის განვითარებითაა დაინტერესებული.
ელჩმა აღნიშნა, რომ აშშ აზერბაიჯანის საშინაო საქმეებში ჩარევას არ აპირებს და აშშ-ს ამ ქვეყანასთან მრავალი გარემოება და მჭიდრო მეგობრობა აკავშირებს.
"ჩვენი სურვილია, აზერბაიჯანის მოქალაქეებმა, ხელისუფლებამ და სამოქალაქო საზოგადოებამ დემოკრატიულ ინსტიტუტთა გაძლიერებისა და ქვეყანაში ეკონომიკური რეფორმების გატარებისკენ ერთიანი ძალისხმევა მიმართოს", _ აღნიშნა ბრაიზამ.
მისი თქმით, აზერბაიჯანის ოპოზიციონერ ლიდერებთან შეხვედრა სულაც არ არის უჩვეულო საქციელი.
"ეს დემოკრატიული სისტემის ნაწილი და დემოკრატიული პროგრესისკენ გადადგმული ნაბიჯია", _ აღნიშნა ბრაიზამ.
