აშშ იზიარებს საქართველოს პოზიციას რუსეთის ქმედებებთან დაკავშირებით. ეს განცხადება აშშ სახელმწიფო მდივანმა ჰილარი კლინტონმა ბერლინში საქართველოს საგარეო საქმეთა მინისტრთან გრიგოლ ვაშაძესთან შეხვედრისას გააკეთა.
ჰილარი კლინტონის თქმით, შეერთებული შტატები დაჟინებით მოუწოდებს რუსეთს შეასრულოს შეთანხმება ცეცხლის შეწყვეტის შესახებ.
"ჩვენ კვლავ მტკიცედ ვუჭერთ მხარს საქართველოს ტერიტორიულ მთლიანობას', _ განაცხადა ჰილარი კლინტონმა.
სახელმწიფო მდივნისა და საქართველოს საგარეო საქმეთა მინისტრის შეხვედრამდე დღეს ბერლინში ნატო-საქართველოს სხდომა გაიმართა.
