არგენტინაში რეინალდო ბინიონეს განაჩენი გამოუტანეს, რომელიც ქვეყანას 1982-83 წლებში მართავდა. როგორც "ბი-ბი-სი ნიუსი" იტყობინება, 83 წლის ბინიონეს კაცობრიობის წინააღმდეგ ჩადენილი დანაშაულის გამო სამუდამო პატიმრობა შეეფერდა.
სხვადასხვა დანაშაული, რომელშიც არგენტინის "უკანასკნელ დიქტატორს" ამხელენ, 1976 წელსაა ჩადენილი, როცა ქვეყანაში გადატრიალება მოხდა. იმ დროს არგენტინის ხელისუფლების სათავეში ხორხე ვიდელის ხელმძღვანელობით სამხედროთა გუნდი მოვიდა. იმ დროისთვის ბინიონე პოლკის მეთაური გახლდათ.
როგორც გამოცემა La Capital-ი ირწმუნება, გამოძიების ვერსიით, რეინალდო ბინიონეს, სულ ცოტა, ორი ადამიანის გატაცება, წამება და მკვლელობა ბრალდება. კონგრესმენი დიეფო მუნის ბარეტო და პარტიზანული ორგანიზაცია "მონტონეროსის" მონაწილე გასტონ გონკლავესი სამხედრო სამხედროების მიერ ხელისუფლების ხელში ჩაგდებას აპროტესტებდნენ, ამიტომაც ისინი მოკლეს.
ამასთან, ბინიონე კიდევ რამდენიმე ადამიანის გატაცებაში დამნაშავედ აღიარეს, რომელთა კვალსაც ვერ მიაგნეს. ბინიონესთან ერთად ანალოგიური დანაშაულისთვის კიდევ რამდენიმე ადამიანი გაასამართლეს.
კერძოდ, სამუდამო პატომრობა შეუფარდეს ქალაქის ყოფილ მერს ესკობარ ლუის პატის, რომელიც 1976 წელს პოლიციაში მუშაობდა, გენერალ სანტიაგო რივეროსს, დაზვერვის ყოფილ თანამშრომელს მარტინ როდრიგესს.
ამ დროისთვის ბინიონე 25 წლიან პატიმრობას იხდის, რომელიც მას 2010 წლის აპრილში გამოუტანეს. მაშინ მას პოლიტპატიმართა წამებასა და მკვლელობაში ადანაშაულებდნენ, რაც სამხედრო ბაზის ტერიტორიაზე მდებარე ბანაკში განხორციელდა. ამ ყველაფერს კი ბინიონე ხელმძღვანელობდა.
გარდა ამისა, ექს-პრეზოდენტს 2011 წლის თებერვალში დისიდენტების 500 შვილის გატაცებაშიც დებენ ბრალს.
