მას შემდეგ, რაც ჩვენ მივაღწიეთ სტაბილიზაციას, ჩვენი ამოცანაა ეკონომიკა დაუბრუნოთ სწრაფი განვითარების ტემპს, - ამის შესახებ ფინანსთა მინისტრმა კახა ბაინდურაშვილმა სამთავრობო დებატებზე პარლამენტში გამოსვლისას კახა ბაინდურაშვილმა.
მისი თქმით, 2011 წლის მიმდინარე პერიოდი განსკუთრებით მნიშვნელოვანია, რადგან საბიუჯეტო სტიმულირება სრულდება და აუცილებელია, რომ კერძო ინიციატივები ჩაენაცვლოს.
"ჩვენ გვესმის რომ ბიზნესს სჭირდება სახელმწიფოს მხრიდან თანადგომა, მაგრამ მთავრობის მთავარი ინსტრუმენტი ბუნებრივია, გახლავთ საგადასახადო პოლიტიკა. 2004 წლიდან მოყოლებული ჩვენ შევამცირეთ გადასახადები. მაგრამ გვქონდა საკმაოდ ხისტი ადმინისტრირება, რაც იყო გამოძახილი იმ კორუფციული ურთიერთობების, რომელიც ადრე არსებობდა ამ სისტემაში და გადასახადებისგან თავის არიდების სისტემური შემთხვევები. დღეს ეს ვითარება საგრძნობლად შეცვლილია და ახალი კურსი, რომელიც გამოვაცხადეთ ცოტა ხნის წინ, სწორედ არსებულ რეალობას პასუხობს", _ განაცხადა ბაინდურაშვილმა.
