საპარლამენტო უმცირესობის ლიდერი გიორგი თარგამაძე არ გამორიცხავს, რომ სამთავრობო დებატების დროს რომელიმე მინისტრის პასუხისმგებლობის საკითხი დადგეს. ამის შესახებ საპარლამენტო უმცირესობის ლიდერმა გიორგი თარგამაძემ დღეს, პრემიერ-მინისტრ ნიკა გილაურთან სამთავრობო დებატების საორგანიზაციო საკითხებთან დაკავშირებით პარლამენტის თავმჯდომარესთან გამართულ შეხვედრის დასრულების შემდეგ განაცხადა, რომელსაც უმცირესობის და უმრავლესობის ლიდერებიც დაესწრნენ.
"მოსმენაც იმის გამოც ტარდება, რომ გამოიკვეთოს პასუხისმგებლობის ფორმები, მაგრამ იმის მოლოდინი, რომ ჩვენს მიერ, რომელიმე მინისტრის პასუხისმგებლობის დაყენებას მისი გადაგომა მოჰყვება, არ ველოდებით. სამწუხაროდ, ჩვენ ასეთ ქვეყანაში ჯერ არ ვცხოვრობთ, რომ მინისტრის მიმართ დასაბუთებული პასუხისმგებლობის წაყენების შემთხვევაში მან თავის თავზე აიღოს პოლიტიკური პასუხისმგებლობა", - აღნიშნა თარგამაძემ.
შეგახსენებთ, რომ პარლამენტში 22 მარტს სამთავრობო დებატებს პრემიერ-მინისტრი ნიკა გილაური გახსნის, რის შემდეგაც დეპუტატების წინაშე ანგარიშით ფინანსთა მინისტრი კახა ბაინდურაშვილი და ეკონომიკისა და მდგრადი განვითარების მინისტრი ვერა ქობალია წარსდგებიან.