დედაქალაქის მერი გიგი უგულავა "ვარდების მოედანზე" გამართულ მძღოლთა აქციას "გაუგებრობად" და "არასწორი კომუნიკაციის შედეგად" აფასებს.
"ის, რაც ვნახეთ რამდენიმე დღის წინ, იყო გაუგებრობა და არასწორი კომინიკაციის შედეგი. დღეს უკვე მძღოლების 90 % გავიდა სამუშაოდ", - განაცხადა დედაქალაქის მერმა.
მისი განმარტებით, არსებული სამარშრუტო ტაქსების მძღოლები თბილისში ახალი სახის ტრანსპორტის შემოყვანის შემდეგაც დასაქმდებიან და მეტიც, ეს პროექტი 1 200 ახალ სამუშაო ადგილსაც შექმნის.
შეგახსენებთ, რომ წლის ბოლომდე თბილისში 3 200 ახალი სამარშრუტო ტაქსი შემოვა. უგულავას მტკიცებით, მგზავრობის საფასური არ გაიზრდება და პირიქით, გარკვეული კატეგორიის მოქალაქეები შეღავათებითაც კი ისარგებლებენ. გარდა ამისა, მოხდება როგორც სამარშრუტო ტაქსების მძღოლების, ისე მგზავრთა ჯამრთელობის დაზღვევაც.
