ახალი სამარშრუტო ტაქსების მძღოლები და მათი მგზავრები ჯანმრთელობის დაზღვევით ისარგებლებენ.
როგორც დედაქალაქის მერმა გიგი უგულავამ დღეს განაცხადა, ნებისმიერი ინციდენტის შემთხვევაში, როგორც მძღოლის, ისე მგზავრის მკურნალობის ხარკებს სადაზღვევო კომპანია დაფარავს.
"შემოდის ძალიან მნიშვნელოვანი სიახლე _ ღმერთმა ყველა დაიფაროს რაიმე შემთხვევისგან, მაგრამ სამარშრუტო ტაქსში ნებისმიერი დაზიანების შემთხვევაში მგზავრის და მძღოლის ჯანმრთელობა იქნება დაღვეული, ანუ, მათი მკურნალობის ხარჯებს სადაზღვევო კომპანია სრულად აანაზღაურებს", - დასძინა უგულავამ.
შეგახსენებთ, რომ წლის ბოლომდე თბილისში 3 200 ახალი სამარშრუტო ტაქსი შემოვა. უგულავას მტკიცებით, მგზავრობის საფასური არ გაიზრდება და პირიქით, გარკვეული კატეგორიის მოქალაქეები შეღავათებითაც კი ისარგებლებენ.