ვისოლ ჯგუფი სუპერმარკეტ "სმარტის" ქსელის გაფართოებას განაგრძობს და ფოთში ახალი ობიექტის მშენებლობას იწყებს. სამშენებლო სამუშაოს დაწყების ცერემონიალს საქართველოს პრეზიდენტი მიხეილ სააკაშვილი დაესწრო.
ქალაქის ისტორიულ ცენტრში, მშვიდობის ქუჩა #2-ში განთავსებული გემის ფორმის თანამედროვე სავაჭრო ცენტი 3000 კვადატულ მეტრს მოიცავს. მაღალტექნოლოგიურ სავაჭრო ცენტრშისუპერმარკეტი "სმარტის" და სხვადასხვა სავაჭრო ობიექტის გარდა 150 მაყურებელზე გათვლილი კინოთეატრიც განთავსდება. კინოთეატრში ორი დარბაზი იქნება.
"ყოველდღიური მოხმარების პროდუქტების ფართო არჩევანი და ზომიერი ფასები სუპერმარკეტში, კომფორტული კაფე სრული მომსახურებით, ინტერნეტ (ჭIFI) ზონა, აფთიაქი, ბანკის ფილიალი, სხვადასხვა ტიპის მაღაზიები, ბავშვთა კუთხე - ეს "ყველაფერი ერთ ადგილას" მომხმარებელს სრულ კომფორტს შეუქმნის", _ აცხადებენ კომპანიაში.
აღნიშნული ობიექტის მშენებლობაში რამდენიმე მილიონი ლარის ინვესტიცია განხორციელდება. პროექტის არქიტექტორები დიმიტრი შაფაქიძე და ირაკლი აბაშიძე არიან. მის მშენებლობაში კი ქართველებთან ერთად ვისოლ ჯგუფის უცხოელი კონსულტანტებიც იღებენ მონაწილეობას. პროექტი თანამედროვე სავაჭრო ცენტრის მიმდებარე ტერიტორიის კეთილმოწყობასაც ითვალისწინებს. მოსახერხებელი პარკირების ზონა მომხმარებელს დაამტებით კომფორტს შეუქმნის.
ფოთის თანამედროვე სავაჭრო ცენტრში 150-მდე ადამიანი დასაქმდება. მშენებლობის დასრულება 2012 წლისათვის იგეგმება.
წლის ბოლომდე "სმარტის" სუპერმარკეტები ვაზისუბანში, კახეთის გზატკეცილზე და თბილისის ცენტრშიც გაიხსნება. ასევე მიმდინარეობს სუპერმარკეტების მშენებლობა წყნეთში, ბათუმში, ქუთაისში, გორში, მარნეულში, ყვარელში, სამტრედიასა და ზუგდიდშიც. სუპერმარკეტების ქსელის სხვადასხვა ფორმატის იქნება. მომავალი სამი წლის განმავლობაში ვისოლ ჯგუფი "სმარტის" სუპერმარკეტების ქსელის მნიშვნელოვან გაფართოებას გეგმავს და 3000-მდე ადამიანს დაასაქმებს.
ვისოლ ჯგუფმა ახალი მიმართულების განვითარება 2010 წელს დაიწყო და "სმარტის" პირველი სუპერმარკეტი აღმაშენებლის ხეივნის მე-13 კილომეტრზე ვისოლის ავტოგასამართი სადგურთან გახსნა.
