თურქულ მხარეს საქართველოს ტერიტორიაზე მდებარე მათი ისტორიული ძეგლების რესტავრაციასთან დაკავშირებით კიდევ რამდენიმე მოთხოვნა აქვს.
ამის შესახებ დღეს გამართულ პრესკონფერენციაზე საქართველოს საგარეო საქმეთა მინისტრის მოადგილემ ნინო კალანდაძემ განაცხადა, თუმცა რა წინადადებებზეა საუბარი, არ დაუკონკრეტებია.
"ძეგლების რესტავრაციასთან დაკავშირებული მოლაპარაკება წინ არ წასულა. ოქმის პროექტი, რომელიც შესათანხმებლად ქართულმა მხარემ თურქეთში გადაგზავნა, ჯერ მათი მხრიდან ხელმოწერილი არ არის. როგორც ჩვენთვისაა ცნობილი, თურქულ მხარეს აქვს რამდენიმე წინადადება, რომელიც სურს, რომ ჩვენი მხრიდან იქნას გათვალისწინებული", - განმარტა კალანდაძემ.
მისივე თქმით, ამ ეტაპზე თბილისი თურქული მხრიდან აღნიშნული წინადადებების "მოწოდებას" ელოდება, რის შემდეგაც ქართული მხარე მისი გათვალისწინების მიზანშეწონილობაზე იმსჯელებს.
