16 ნოემბრის საღამოს კიევში აფეთქებების ხმა ისმოდა. უკრაინული მედიის ცნობით, რუსეთის არმიამ უკრაინის დედაქალაქზე ბალისტიკური რაკეტებით იერიში მიიტანა.
კიევის მერის, ვიტალი კლიჩკოს განცხადებით, ქალაქში საჰაერო თავდაცვის ძალები მუშაობდნენ და მოსახლეობას თავშესაფრებში დარჩენისკენ მოუწოდა.
მოგვიანებით კლიჩკომ განაცხადა, რომ წინასწარი ინფორმაციით, რაკეტები ჩრდილოეთისა და სამხრეთის ხიდებს მოხვდა.
17 ნოემბრის ღამეს, შუაღამის შემდეგ, კიევის მერმა დამატებით გაავრცელა ინფორმაცია, რომ რუსეთის თავდასხმის შედეგად კრიტიკული ინფრასტრუქტურის სისტემები დაზიანდა. დედაქალაქის ზოგიერთ რაიონში წყალმომარაგებისა და გათბობის შეფერხებები დაფიქსირდა.
რუსეთის იერიშების შედეგად კიევში ჩრდილოეთისა და სამხრეთის ხიდებზე მოძრაობა დროებით შეჩერებულია.