ბიძინა ივანიშვილი წინა ხელისუფლების დროს, ქველმოქმედების სანაცვლოდ, კონკრეტულ მოთხოვნებს აყენებდა, - ამის შესახებ "ნაციონალური მოძრაობის" წევრმა ხატია დეკანოიძემ განაცხადა, ის გამოეხმაურა პრემიერ-მინისტრ ირაკლი კობახიძის განცხადებას, რომელმაც აღნიშნა, რომ წინა ხელისუფლების დროს“ბიძინა ივანიშვილი ქველმოქმედებას ეწეოდა და აფინანსებდა სხვადასხვა უწყებებს.
დეკანოიძის თქმით, “ქართული ოცნების“ დამფუძნებელს აინტერესებს მხოლოდ ის, რომ საკუთარი ქონება გააათმაგოს.
შსს -ში ვმუშაობდი, პოლიციის რეფორმაში ვიყავი ძალიან აქტიურად ჩართული და მე მისი გრანდიოზული დახმარება არ მახსენდება. იმ დახმარებაში, რომელსაც ის ვითომ უწევდა ქართულ სახელმწიფოს, მას ქართული სახელმწფიო არ ანერვიულებდა და იგი კონკრეტულად თხოულობდა სხვა რაღაცებს. მაგალითად, მას უნდოდა რიყის პარკზე უზარმაზარი პანორამას თუ პარაგრაფის სტილის შუშის შენობის ჩადგამ, რომელზედაც იყო, მისი მხრიდან გაჟღერებული სურვილი, რომ მიგვეცა მისთვის რიყის პარკი. თხოულობდა ბევრ რამეს, მაგალითად მთაწმინდაზე, მთელ თბილისს რომ დაჰყურებს, რაღაც ნერონის სტილში, იმ შენობის აშენებაც, იყო კონკრეტულად მისი სურვილი და მოთხოვნა ფეხების ბაკუნით საქართველოს ხელისუფლების მიმართ. ივანიშვილი არასდროს არაფერს აძლევს არავის, მათ შორის ქართული სახელმწიფო, რომელიც მას არ აინტერესებს ქველმოქმედებისთვის, ის აძლევს მხოლოდ და მხოლოდ იმიტომ რომ საკუთარი ქონება გააათმაგოს", - განაცხადა დეკანოიძემ, რომელსაც "ტვ პირველი" ავრცელებს.
ირაკლი კობახიძემ დღეს განაცხადა:
„ბატონი ბიძინა ივანიშვილი არა მხოლოდ სხვა ტიპის საქველმოქმედო პროექტებს ახორციელებდა, არამედ საჯარო მსახურების ხელფასებსაც კი ასუბსიდირებდა. ბატონი ბიძინა ივანიშვილი 2008 წლამდე ეხმარებოდა სახელმწიფოს, ჯარის რესურსების გაძლიერებაში, პოლიციის რესურსების გაძლიერებაში, საჯარო სამსახურში კორუფციის პრევენციის საქმეში ჰქონდა თავისი წვლილი, ის ემსახურებდა სახელმწიფოს განმტკიცების საქმეს"
