უკრაინის რადამ საომარი მდგომარეობა და მობილიზაცია სამი თვით გაახანგრძლივა.
უკრაინის საკანონმდებლო ორგანოს გადაწყვეტილებით, საომარი მდგომარეობა 2027 წლის 29 იანვრამდე გახანგრძლივდა. პარლამენტის 293-მა წევრმა მხარი დაუჭირა პრეზიდენტის კანონპროექტს No16182, რომლითაც დამტკიცდა „უკრაინაში საომარი მდგომარეობის გაგრძელების შესახებ“ ბრძანებულება. წ
უკრაინის პარლამენტმა ასევე მხარი დაუჭირა კანონპროექტს „უკრაინის პრეზიდენტის ბრძანებულების - საყოველთაო მობილიზაციის ვადის გაგრძელების შესახებ დამტკიცების თაობაზე“, რომლის მიხედვითაც საყოველთაო მობილიზაცია კიდევ 90 დღით, მომავალი წლის 29 იანვრამდე გაგრძელდება.
გადაწყვეტილებას მხარი 281-მა დეპუტატმა დაუჭირა.
კანონებში აღნიშნულია, რომ გადაწყვეტილებები დაუყოვნებლივ უნდა გამოქვეყნდეს მედიაში და ძალაში 2026 წლის 31 ოქტომბრიდან შევა.
