უკრაინის პრეზიდენტის, ვოლოდიმირ ზელენსკის განცხადებით, სერბეთში ვადამდელ საპარლამენტო არჩევნებში ოპოზიციური „სტუდენტური სიის“ გამარჯვება ქვეყნის ისტორიაში ახალი ფურცელია.
ამის შესახებ ზელენსკიმ სოციალურ ქსელ X-ზე დაწერა.
„სერბეთში ცვლილებები მოხდა - „სტუდენტური სიის“ გამარჯვება ქვეყნისა და ხალხის ისტორიაში, აშკარად, ახალ გვერდს ნიშნავს“, - აღნიშნა უკრაინის პრეზიდენტმა.
ზელენსკიმ სერბეთს წარმატება, რეალური განვითარება და ევროპულ საზოგადოებასთან თბილი ურთიერთობები უსურვა.
უკრაინის პრეზიდენტმა სერბეთს უკრაინელი ხალხისა და სახელმწიფოს, ასევე უკრაინის დამოუკიდებლობის პატივისცემისთვის მადლობა გადაუხადა.
„ყოველთვის გვიხარია ჩვენი საერთო წარმატებები - ყველაფერი, რაც ჩვენს საზოგადოებებს აძლიერებს და ადამიანებს ახალ შესაძლებლობებს აძლევს. მზად ვართ, მომავალშიც გავაფართოოთ თანამშრომლობა. დაე, სერბეთში ადამიანების ყველა კეთილი იმედი ასრულდეს“, - აღნიშნა ზელენსკიმ.
შეგახსენებთ, სერბეთში ვადამდელ საპარლამენტო არჩევნებში, წინასწარი მონაცემებით, „სტუდენტურმა სიამ“ გაიმარჯვა და ამომრჩეველთა ხმების თითქმის 53% მიიღო.
