“აგვკრძალონ” და ფასი გადაიხადონ, საკუთარმა შვილებმა რომ წყევლონ - ისეთი ფასი! - ამის შესახებ პარტია "ფედერალისტების" ერთ-ერთი ლიდერი თამარ ჩერგოლეიშვილი სოციალურ ქსელში წერს.
"არ მოუწოდოთ მაგ “მოსამართლეებს” კეთილგონიერებისკენ.
ამ საქმეს რომ ხელი მოკიდეს, უკვე დასასჯელები არიან.შეყვნენ ბოლომდე,
“აგვკრძალონ” და ფასი გადაიხადონ.
საკუთარმა შვილებმა რომ წყევლონ - ისეთი ფასი!" - წერს თამარ ჩერგოლეიშვილი.
შეგახსენებთ, საკონსტიტუციო სასამართლოში პოლიტიკური პარტიების აკრძალვაზე სახელისუფლო გუნდის სარჩელის განხილვა დღეს დაიწყო. საკონსტიტუციო სასამართლოში წარდგენილ სარჩელს პარლამენტის 88 დეპუტატი წევრი აწერს ხელს. მათი სარჩელის საფუძველზე სასამართლოს დღის წესრიგში შემდეგი ხუთი პოლიტიკური გაერთიანებების არაკონსტიტუციურად ცნობის საკითხი დგას: - “ერთიანობა − ნაციონალური მოძრაობა“; “კოალიცია ცვლილებისთვის - გვარამია მელია გირჩი დროა“; “ძლიერი საქართველო − ლელო, ხალხისთვის, თავისუფლებისთვის!“, “ფედერალისტური პარტია“ და პარტია “გახარია საქართველოსთვის“. საქმის არსებითი განხილვა 21, 22 და 23 ოქტომბერს არის დაგეგმილი.
