მოლდოვის პარლამენტის თავმჯდომარის, იგორ გროსუს განცხადებით, საქართველოს მოლდოვის შურს, რადგან მოლდოვა ევროპული ინტეგრაციის გზაზე უფრო სწრაფად მიიწევს წინ.
იგორ გროსუს თქმით, საქართველო მოლდოვას ხშირად აკრიტიკებს, რადგან ორ ქვეყანას შორის ევროპული ინტეგრაციის გზაზე წინსვლის ტემპი განსხვავებულია.
„საქართველო ხელიდან არ უშვებს შესაძლებლობას, გაგვაკრიტიკოს. მოლდოვასთან დაკავშირებით დიდი „შური“ აქვთ, რადგან ჩვენ ევროპული ინტეგრაციის გზაზე უფრო სწრაფად მივიწევთ წინ“, - განაცხადა იგორ გროსუმ.
შეგახსენებთ, გუშინ ევროკავშირმა უკრაინას და მოლდოვის გაწევრიანების მოლაპარაკებებში კიდევ ორი კლასტერი გახსნა - მოლაპარაკებების კლასტერები „შიდა ბაზრისა“ და „კონკურენტუნარიანობისა და ინკლუზიური ზრდის“ სფეროებში.
