უკრაინის პრეზიდენტმა ვოლოდიმირ ზელენსკიმ კიევში ჩრდილოეთის ხიდზე რუსეთის მიერ დილით განხორციელებული დრონით დარტყმის ვიდეო გამოაქვეყნა და განაცხადა, რომ ბოლო ერთი კვირის განმავლობაში რუსეთმა უკრაინის წინააღმდეგ 1 900-ზე მეტი დამრტყმელი დრონი გამოიყენა, მათგან 800-ზე მეტი კი რეაქტიული იყო.
ზელენსკის განცხადებით, 4 ოქტომბერს დილით რუსებმა კვლავ შეუტიეს დრონით კიევში ჩრდილოეთის ხიდს.
რუსულმა ძალებმა ასევე იერიში მიიტანეს სუმიში სამედიცინო პრეპარატების საწყობზე და დნიპროში საკომუნიკაციო საწარმოზე.
დარტყმების შედეგად ერთი ადამიანი დაიღუპა, ექვსი კი დაშავდა.
ამასთან, ზელენსკიმ გერმანიის ფედერალური კანცლერის ფრიდრიხ მერცის კიევში ვიზიტზეც ისაუბრა და განაცხადა, რომ ამზადებენ გადაწყვეტილებებს, რომლებიც უკრაინას და მთელ ევროპას თავდაცვისთვის მეტ შესაძლებლობას მისცემს.
“დღეს კი ვამზადებთ გადაწყვეტილებებს, რომლებიც ჩვენ - უკრაინასა და მთელ ევროპას - თავდაცვისთვის გაცილებით მეტ შესაძლებლობას მოგვცემს. უკრაინასა და გერმანიას შორის მნიშვნელოვანი შეთანხმებები გაფორმდება. რუსეთი ერთობლივი ძალისხმევით უნდა შევაჩეროთ. მადლობა ყველას, ვინც დახმარებას გვიწევს”, - აღნიშნა ზელენსკიმ.
