კრიშტიანო რონალდომ პორტუგალიის ნაკრებში კარიერა დაასრულა.
მედიის ინფორმაციით, 24 სექტემბერს უელსის წინააღმდეგ მატჩი ბოლო გახდა ეროვნულ გუნდში 41 წლის ფორვარდისთვის. ამის შემდეგ, მან სათადარიგოთა სკამზე გაატარა მთელი შეხვედრა ნორვეგიის წინააღმდეგ, რის გამოც უკმაყოფილება გამოხატა. ხოლო, როცა შეიტყო, რომ დანიის წინააღმდეგ არ ითამაშებდა, ნაკრების შეკრება დატოვა და შინ გაემგზავრა.
"ეროვნული ნაკრების მწვრთნელის პრესკონფერენციის შემდეგ და პორტუგალიის ფეხბურთის ფედერაციის პრეზიდენტთან საუბრის შემდეგ, გადავწყვიტე, დავტოვო ეროვნული ნაკრების საწვრთნელი ბანაკი.
შესაბამის დროს ყველა პორტუგალიელს ვეტყვი სიმართლეს იმ მიზეზების შესახებ, რომლებმაც ეროვნული ნაკრების დატოვების გადაწყვეტილებამდე მიმიყვანა - ნაკრების, რომელსაც ყოველთვის თავდადებით ვემსახურებოდი. ახლა კი დროა, წარმატება ვუსურვო პორტუგალიას და ჩემს ყველა თანაგუნდელს", - ასეთი სკანდალური განცხადებაა გააკეთა ახლახან პორტუგალიის ნაკრების კაპიტანმა და ლიდერმა კრიშტიანო რონალდომ.
პორტუგალიის ნაკრების თავკაცმა ჟორჟე ჟეზუშმა რონალდო ნორვეგიასთან მატჩში სასტარტო შემადგენლობაში არ დააყენა. მან მატჩამდე განმარტა, რომ კაპიტანი მეორე ტაიმში დასჭირდებოდა, თუმცა ჟეზუშმა რონალდო ნორვეგიასთან მატჩში საერთოდ არ შეიყვანა მოედანზე.
კრიშტიანო რონალდომ პორტუგალიის ნაკრებში 234 მატჩი ჩაატარა და 146 გოლი გაიტანა. ორივე მაჩვენებელი სარეკორდოა მსოფლიო ფეხბურთში.
