რუსეთის მიერ კიევის ოლქზე იერიშის შედეგად ორი ადამიანი დაიღუპა, მათ შორის ერთი აზერბაიჯანის მოქალაქეა, - ამის შესახებ უკრაინის პრეზიდენტი ვოლოდიმირ ზელენსკი სოციალურ ქსელში წერრს.
მისი თქმით, საჭიროა მკაფიო გადაწყვეტილებები. საჰაერო თავდაცვა, ენერგეტიკული მხარდაჭერა და ბიუჯეტის დეფიცუტის დაფარვაში დახმარება
რუსეთი მთელი ღამისა და დილის განმავლობაში ჩვენს რეგიონებს უტევდა.
ხარკოვში საცხოვრებელ მაღალსართულიან შენობაზე სასტიკი იერიში განხორციელდა - ნაწილობრივ განადგურდა მეორე და მეოთხე სართულები.
კიევშიც დაზიანდა ობიექტები დრონებით განხორციელებული თავდასხმების შედეგად - საცხოვრებელი კორპუსები, საკომუნიკაციო ინფრასტრუქტურა და ბენზინგასამართი სადგურები. მათ დაანგრიეს ჩვეულებრივი კაფე და დედაქალაქში პროდუქტების ბაზრის დაწვაც სცადეს.
ოდესის ოლქში პალაუს დროშის ქვეშ მცურავ გემს დაარტყეს. ჟიტომირის ოლქში კი ჩვეულებრივი ნაყინის ქარხანა დაზიანდა.
საცხოვრებელი შენობები დაზიანდა სუმის, რივნეს, ხარკოვისა და ოდესის ოლქებში. კრიტიკული ინფრასტრუქტურა თავდასხმის სამიზნე გახდა ვინიცის, დნეპროპეტროვსკის, ხმელნიცკისა და ზაპოროჟიეს ოლქებში. საგანგებო სამსახურები ყველგან მუშაობენ, სადაც მათი დახმარებაა საჭირო. მხოლოდ ხარკოვზე განხორციელებული დარტყმის შედეგად 28 ადამიანი დაშავდა, მათ შორის ცხრა ბავშვია. სამწუხაროდ, არიან დაღუპულებიც. კიევის ოლქში ორი ადამიანი დაიღუპა, მათგან ერთი აზერბაიჯანის მოქალაქეა. ვუსამძიმრებ მათ ოჯახებსა და ახლობლებს“,
მადლობას ვუხდი ყველას, ვინც უკრაინაში მიმდინარე მოვლენებზე დუმილს არ ინარჩუნებს და ყველას, ვინც ჩვენი ქვეყნისთვის კონკრეტული მხარდაჭერის პაკეტებს ამზადებს.
საჭიროა მკაფიო გადაწყვეტილებები. საჰაერო თავდაცვა, ენერგეტიკული მხარდაჭერა და ბიუჯეტის დეფიცუტის დაფარვაში დახმარება - სწორედ ეს არის ის, რაც დღეს რეალურად აძლიერებს უკრაინას და ჩვენს ხალხს ამ მძიმე პერიოდის გადატანაში ეხმარება.
მადლობა ყველას, ვინც უკრაინის გვერდით დგას!", - წერს ზელენსკი.
