ნიუ იორკში, საქართველოს საგარეო საქმეთა მინისტრს, მაკა ბოჭორიშვილსა და საგარეო უწყების სხვა წარმომადგენლებს ქართველი ემიგრანტები პროტესტით დახვდნენ.
ემიგრანტები იმ რესტორანთან იმყოფებოდნენ, რომელშიც მაკა ბოჭორიშვილი, მისი მოადგილე, ლაშა დარსალია და გაეროში საქართველოს მუდმივი წარმომადგენელი დავით ბაქრაძე მივიდნენ.
"არ გრცხვენია ქალბატონო ბოჭორიშვილო? მონა მთავრობას ემსახურებით, რატომ არ გაჩერდა ქალბატონი, რატომ არ გველაპარაკა", - უთხრეს ბოჭორიშვილს.
მინისტრი პროტესტის მონაწილეებთან არ გაჩერდა. რესტორანთან მისულ საქართველოს მოქალაქეებს საგარეო უწყების თანამშრომელი გაესაუბრა. მას ქალბატონებმა უთხრეს, რომ შვილებისგან შორს ლუკმა-პურის საშოვნელად არიან წასულები.
"საქართველოშიც არის სამუშაო ადგილები. მე დამასაქმა ჩემმა სწავლამ და ჩემმა შრომამ“, " - უთხრა საგარეო თანამშრომელმა პროტესტის მონაწილეებს.
„აქ ვისაც ხედავთ, ყველა უმაღლესი განათლებით ვართ, მაგრამ იძულებულები ვართ... აქ წამოვედით თქვენი მთავრობის პოლიტიკის გამო და ბებიებს ვუვლით!“- უთხრა არჩილ ყარაულაშვილს ერთ-ერთმა ემიგრანტმა.
თავის მხრივ, არჩილ ყარაულაშვილმა ასევე განაცხადა, რომ წუხს, როცა ქართველები ემიგრაციაში მიდიან.
„მე გული მისკდება, როდესაც ქართველები მიდიან საზღვარგარეთ“- აღნიშნა, საგარეო უწყების თანამშრომელმა, არჩილ ყარაულაშვილმა.
თავდაპირველად არსებული ინფორმაციით, იმავე რესტორანში კობახიძეც უნდა მისულიყო, თუმცა პროტესტის დაანონსების პარალელურად, როგორც ჩანს, მან გადაიფიქრა.
ვიდეოს "ნეტგაზეთი" ავრცელებს.
